REMATAMOS O TRIMESTRE

Un trimestre cheo de traballo só pode rematar con...
Unha chocolatada para repoñer forzas!
Pero ademais tivemos a visita de Papá Noël que nos trouxo un agasallo por adiantado.


FELIZ 2013 PARA TODAS E TODOS!

CELSO EMILIO E O CENTENARIO DO SEU NACEMENTO

ESTE ANO 2012 CELÉBRASE O CENTENARIO DO NACEMENTO DE CELSO EMILIO FERREIRO. NÓS HOMENAXEÁMOLO LENDO POEMAS DEL, RAPEANDO ALGÚN OUTRO E INFORMÁNDONOS DA SÚA BIOGRAFÍA. O DÍA 12 DO 12 ÁS 12 PARTICIPAREMOS NUN EVENTO NO PATIO XUNTO A TODO O COLEXIO.

AS NOSAS TARXETAS DE NADAL

Esta semana elaboramos tarxetas de Nadal para facer a felicitación colectiva do cole.
Vinde mirar que preciosidades.
Aquí vos vai un adiantiño, unha fermosa postal que elaborou Manuel:

UNHA ANIMACIÓN NA BIBLIOTECA

TIVEMOS, O 2º CICLO, UNHA ANIMACIÓN NA BIBLIOTECA.
MIRO MAGARIÑOS, O FAMOSO ACTOR DA TVG (O TAXISTA DE "LIBRO DE FAMILIA"), FIXO UNHA REPRESENTACIÓN CON LUCES E SOMBRAS: " O VENDEDOR DE PAXAROS".
 VELAQUÍ ALGUNHAS FOTOS DESA ACTIVIDADE:

MALALA FAINOS REFLEXIONAR SOBRE O DEREITO Á EDUCACIÓN

NESTE NOVEMBRO NO COLEXIO O 20 E O 25 ESTÁN RELACIONADOS...
O DEREITO A EDUCARSE É A TEMÁTICA QUE OS UNEN:

• AS NENAS E OS NENOS TEMOS DEREITO A RECIBIR EDUCACIÓN 
• NINGUÉN PODE DISCRIMINAR ÁS MULLERES E MALTRATALAS SOCIALMENTE NON PERMITINDO QUE VAIAN Á ESCOLA. MALALA LOITA POLO DEREITO Á EDUCACIÓN DAS NENAS.

CELEBRAMOS O MAGOSTO

CANDO INVESTIGAMOS SOBRE ASPECTOS ASTRONÓMICOS, HORARIOS, CROMÁTICOS,...DO OUTONO TAMÉN VIMOS QUE NO OUTONO HAI UNHA CELEBRACIÓN ESPECIAL: O MAGOSTO. NO COLEXIO, O VENRES FIXEMOS UN MAGOSTO, ADEMAIS DA TRADICIONAL DEGUSTACIÓN DE CASTAÑAS TAMÉN HOUBERON XOGOS, BAILES, COMPETICIÓNS... UN DÍA FANTÁSTICO!

COLABORANDO NA EXPOSICIÓN DO COLEXIO

No colexio vaise facer unha exposición sobre o outono. Cuarto vai participar con diversos aspectos relacionados con el: as cores, a astronomía e o outono, o cambio de hora...
Estamos traballando nos carteis que imos poñer e na información.
Tamén estamos buscando os refráns que acompañarán todo.
Xa veredes que bonito.
No cole tamén se está a preparar a celebración do Magosto... que sorte ten Antío... co que lle gustan as castañas!

A TERRA MÓVESE!

Inda que parece que se move o Sol ao redor da Terra, a verdade é que non é tal.
Unha estación como a do outono existe porque... a Terra se move ao redor do Sol!

Que non me credes? Pois mirade os vídeos que vos poño nestes enlaces: A, B, C,D

Que pasaría se a Terra non se desprazase? E se parase de súpeto?

Inda que semello moverse, 

non me movo tanto non; 

fago que os outros astros xiren 

e vaian ao meu redor... 

Sabes quen son?

COMEZAMOS UN NOVO CURSO

ESTAMOS A PIQUES DE COMEZAR UN NOVO CURSO, SERÁ O 2012/2013 E NÓS XA ESTAREMOS EN 4º. ESTAMOS DESEXANDO REENCONTRARNOS COAS NOSAS MASCOTAS E QUE NOS CONTEN ONDE PASARON AS VACACIÓNS.
SEGURO, SEGURO QUE TERÁN PREGUNTAS PARA NÓS.

POR FIN...
XA É 22 DE XUÑO E... AS MASCOTAS, AS NENAS E OS NENOS IMOS DE VACACIÓNS.
EN SETEMBRO VÉMONOS, PERO... XA ESTAREMOS EN 4º!
ONDE IREMOS ESTE VERÁN?
QUE TERÁN PREPARADO MUPI, BLAS E LUCHIÑA?

CORRECTAS E SAUDABLES POSTURAS

MARCELA TRABALLOU CONNOSCO NAS CLASES DE EDUCACIÓN FÍSICA, COMO SENTARNOS, COMO LEVAR AS MOCHILAS,... TODO PARA NO FUTURO NON TER PROBLEMAS. MIRADE ALGUNHAS FOTOS:

RECIBIMOS ÁS NENAS E NENOS DE 2º

HOXE RECIBIMOS NAS CLASES AOS NENOS E ÁS NENAS DE 2º. O VINDEIRO CURSO COMPARTIREMOS CICLO. EXPLICÁMOSLLES COMO É ESTAR EN TERCEIRO E ENSINÁMOSLLES ALGUNHAS DAS NOSAS COUSIÑAS. SEGURO QUE XA TEÑEN GANAS DE PASAR A 3º! SERÁ PRONTO PORQUE XA ESTÁ REMATANDO O CURSO.

TRABALLAMOS AO REDOR DAS VIAXES DE VALENTÍN PAZ ANDRADE

ESTA QUINCENA IMOS TRABALLAR SOBRE VALENTÍN PAZ ANDRADE. CON AXUDA DUNHA WEBQUEST IREMOS FACENDO O SEU ITINERARIO DE VIAXES. CONTRIBUIREMOS CON TODO O CENTRO A FACER UNHA EXPOSICIÓN REFERIDA ÁS ESFERAS DA VIDA DE PAZ ANDRADE. XA VOS POÑEREMOS FOTOS.

NO LABORATORIO VEMOS SERES VIVOS

OS TRES GRUPOS DE TERCEIRO FOMOS AO LABORATORIO PARA VER SERES VIVOS OU PARTES DOS SERES VIVOS CON AXUDA DA LUPA BINOCULAR E DO MICROSCOPIO. OBSERVAMOS E ANOTAMOS O VISTO NO CADERNO DE LABORATORIO.

LEMOS UN LIBRO DE LITERATURA INFANTIL

NESTE TRIMESTRE LEMOS UN LIBRO DE LITERATURA INFANTIL. A PROTAGONISTA É A FORMIGA MIGA. XA TEMOS VARIOS CAPÍTULOS LIDOS E COMENTADOS. ESTÁN XENIAL!

DÍA DO LIBRO NA BIBLIOTECA

AQUÍ ESTAMOS NA BIBLIOTECA LENDO. ESTE CURSO O DÍA DO LIBRO DEDICÁMOSLLO A CHARLES DICKENS. LEMOS UN CAPÍTULO DE OLIVER TWIST. ESTE ANO CELÉBRASE O 200 ANIVERSARIO DO NACEMENTO DE DICKENS

DEBATEMOS SOBRE A IGUALDADE

UNHAS VIÑETAS PERMÍTENNOS FALAR SOBRE A IGUALDADE, OS DEREITOS DE MULLERES E HOMES, A NECESIDADE DE COLABORACIÓN NO TRABALLO DOMÉSTICO, O DEREITO A TER UNHA PROFESIÓN ADECUADA...
LEMOS CONTOS, VIMOS PUBLICIDADE SOBRE O TEMA...
E ATA RECIBIMOS UN AGASALLO! UN BOLÍGRAFO QUE TRAÍA AS VIÑETAS COAS QUE TRABALLAMOS NA CLASE.

DÍA DE ROSALÍA

O 24 DE FEBREIRO CUMPRIUSE O 175 ANIVERSARIO DO NACEMENTO DE ROSALÍA DE CASTRO.
NA CLASE TRABALLAMOS COS SEUS POEMAS, COA SÚA BIOGRAFÍA E ATA FIXEMOS PROBLEMAS RELACIONADOS COAS DATAS!

FESTA DO ENTROIDO... POR FIN!

HOXE, TIVO LUGAR A FESTA DO ENTROIDO NO COLEXIO. XA VOS DIXERAMOS QUE ÍA SOBRE AS SUPERSTICIÓNS E NÓS DISFRAZÁMONOS DE UVAS DA SORTE. SI, ESAS UVAS QUE TEÑEN QUE VER COAS DOCE BADALADAS DE FIN DE ANO.
QUEDOUNOS UN DISFRACE MOI BONITO, CUNHAS ENORMES UVAS AMARELAS...
TAMÉN NOS TOCOU ELABORAR E CANTAR AS LADAÍÑAS PARA O GALO VILAVERDIÑO.

E XA CHEGA O ENTROIDO

O ENTROIDO VAISE ACHEGANDO AO COLEXIO. VILAVERDIÑO O GALO COMEZA A FACERSE PRESENTE. XA O ALUMNADO PEQUENO LLE FAI AS PLUMAS E ALGUNHA MAN ESPERTA PREPARA O ARMAZÓN.
5º E 6º PREPARAN O XUÍZO E O TESTAMENTO E NO 2º CICLO CANTAREMOS AS LADAÍÑAS.
O NOSO DISFRACE TERÁ QUE VER COAS SUPERSTICIÓNS... ADIVIÑADES CAL?

3ºB RECIBE Á SÚA TITORA E DESPIDE A BELÉN

DESPOIS DE RECIBIR Á TITORA O XOVES, O VENRES 3ºB DESPEDIUSE DE BELÉN, A PROFE QUE TITORIZOU O GRUPO DURANTE O PRIMEIRO TRIMESTRE.
BOA SORTE NO NOVO COLEXIO!BIQUIÑOS DE TODA A CLASE.

SEGUIMOS COAS SUPERSTICIÓNS

AS UVAS DO FIN DE ANO É A SORTE QUE SUPOSTAMENTE DAN SON UNHA SUPERSTICIÓN. NÓS IMOS FACER CÓMICS SOBRE ELAS E AS NOSAS MASCOTAS.FIXEMOS UN OBRADOIRO DE CÓMICS E AGORA TOCA PLANIFICAR UN...
QUEREDES VER COMO NOS QUEDAN?

HAI MILES DE XESTOS, ALGÚNS ATA PODEN DEBUXARSE!

HAI XESTOS SUPERSTICIOSOS: TOCAR MADEIRA, FACER UNHA FIGA, CRUZAR OS DEDOS,...
HAI XESTOS QUE NAS CARAS DOS PERSONAXES DE CÓMIC TEÑEN SIGNIFICADOS DIFERENTES: TRISTEZA, LEDICIA, DÚBIDA, IRONÍA, ...

HAI XESTOS QUE NOS AXUDAR A CONVIVIR MELLOR: SAUDAR, DESPIDIRSE, PRESENTARSE ADECUADAMENTE,...

XA VOLVEMOS! ESTAMOS EN 2012

XA ENTRAMOS NO 2012! E... COMO NON? CUNHA CHEA DE TRABALLO!
ESTAMOS INVESTIGANDO SOBRE AS SUPERSTICIÓNS E ANOTANDO NUN TREVO O QUE ATOPAMOS. DESPOIS POREMOS TODO NUN MURAL QUE ESTÁ NO CORREDOR DO TERCEIRO CICLO.
LEMOS SOBRE SUPERSTICIÓNS...
ATA LEMOS ALGÚN CÓMIC!

SE AVERIGUADES ALGO SOBRE AMULETOS, CONXUROS, ETC... POÑÉDENOS COMENTARIOS E ASÍ RECOLLEREMOS MÁIS INFORMACIÓN.