TRABALLANDO SOBRE O APALPADOR

EN 6º DESEÑAMOS AO PERSONAXE DESTE NADAL NO COLEXIO.
ELABORAMOS A SILUETA E DESPOIS VESTÍMOLA.
AGORA PRESIDE OS FESTEXOS DO COLE NESTAS DATAS

O BRAILLE

Hoxe completamos a información sobre linguaxes e símbolos lingüísticos.
Tivemos a sorte de contar con Xaime que nos amosou os elementos básicos do Braille e tamén as máquinas que se usan para facer linguaxe escrita para invidentes.

SAMAÍN E HALLOWEEN

DÚAS FESTAS DESTA ÉPOCA MOI SIMILARES.
POLO CENTRO VEREDES TRABALLOS RELACIONADOS:
- CABAZAS DECORADAS
- TEXTOS ALUSIVOS
- XOGOS NOS BLOGS DE INGLÉS E ACTIVIDADES DE INVESTIGACIÓN...
- TAREFAS, CONTOS E VÍDEOS NO BLOG DE DINAMIZACIÓN
- CÓMICS QUE INVENTAMOS NAS AULAS
...

MAFALDA VISITA AS NOSAS CLASES

HOXE, DÍA DA BIBLIOTECA, LAMPI DEIXOU NAS NOSAS AULAS UNHA TIRA CÓMICA DE MAFALDA.
NO COLE DEDICÁMOSLLE O DÍA A MAFALDA PORQUE NESTE ANO CÚMPRESE O 50 ANIVERSARIO DA PUBLICACIÓN DA SÚA PRIMEIRA TIRA CÓMICA E ADEMAIS AO SEU CREADOR (QUINO) CONCEDÉRONLLE O PREMIO PRÍNCIPE DE ASTURIAS DA COMUNICACIÓN.
O CASO É QUE MAFALDA É BEN IRÓNICA, CRÍTICA E PREOCUPADA POLO PLANETA...
SABE UNHA CHEA DE XEOGRAFÍA! NÓS TAMÉN SABEREMOS MOITO CANDO ACABEMOS ESTE TRIMESTRE.

UNHA LECTURA? UNHA AVENTURA!

"VIAXE AO CENTRO DA TERRA" É MOITO MÁIS QUE UN LIBRO É UNHA ENORME AVENTURA.
MIRA O RESUMO
APÚNTATE CONNOSCO!

PARA SABER ALGO DO SEU AUTOR CLICA AQUÍ OU AQUÍ

A MASCOTA DO MAGOSTO CHEGOU

ANTÍO ESTÁ NA ENTRADA DO COLEXIO SUBIDO A UNHA ÁRBORE...
NON NOS CREDES?
POIS SI QUE ESTÁ. CHEGOU SEGURAMENTE ATRAÍDO POLA INMINENTE CELEBRACIÓN DO MAGOSTO.
CADA ANO TRAE UN PROBLEMA, CAL SERÁ O DESTE ANO?


NON CREO QUE TARDEMOS MOITO EN COÑECELO.

TRABALLAMOS SOBRE XEOGRAFÍA

QUE SABEMOS DE XEOGRAFÍA?
AS MASCOTAS FANNO PREGUNTAS SOBRE PAÍSES E RESÚLTANNOS DESCOÑECIDOS.
IMOS INVESTIGAR E TRABALLAR SOBRE ELEMENTOS XEOGRÁFICOS. CLICADE NOS ENLACES PARA XOGAR AO REDOR DESTA TEMÁTICA.

COMEZAMOS 6º

NESTA SEMANA TIVEMOS A ACOLLIDA NO NOVO CURSO.
ESTIVEMOS LEMBRANDO AS NORMAS E RECOLLENDO AS ESTRATEXIAS DE TRABALLO PARA ESTE CURSO.
NO 2014/2015 AS TRES CLASES DE 6º ESTAREMOS NA MESMA ZONA O QUE VAI FACILITAR QUE NOS RELACIONEMOS MÁIS.
AO CHEGAR A CLASE ATOPÁMONOS CUNHA CARTA DAS MASCOTAS QUE XA NOS ADIANTAN AS TEMÁTICAS DESTE CURSO, A CIENCIA FICCIÓN VAI SER UNHA DELAS.

E CHEGAMOS AO ÚLTIMO CURSO DA PRIMARIA

ESTAMOS EN 6º! OLA! SOMOS BLAS, LUCHIÑA E MUPI E ESCRIBIMOS DENDE MASCOTILANDIA ONDE PASAMOS AS VACACIÓNS DE VERÁN. ESTIVEMOS LENDO NOVELAS DE CIENCIA FICCIÓN E BIOGRAFÍAS, TAMÉN INVESTIGAMOS SOBRE UNHA DAS GUERRAS MUNDIAIS E SOBRE...NON, NON VOLO IMOS CONTAR AQUÍ NO BLOG, XA VOLO DIREMOS POR CARTA. VÉMONOS O DÍA 10!

FESTIVAL FIN DE CURSO 2013-14: O ALUMNADO DE 5ºC E DE OUTROS CURSOS, AS NAIS E PAIS DE FIXERON UN VÍDEO RESUMO DO SEU TRABALLO

http://youtu.be/U01xVIXjgug

REALIZADO PARA O CURSO 2012-13 POLO ALUMNADO DE 4ºC E OUTROS CURSOS,  E CO TRABALLO DAS NAIS E PAIS

REMATOU O CURSO

REMATAMOS ESTA SEMANA O CURSO.
POR UNS CANTOS DÍAS NON TEREMOS CLASE.
VÉMONOS EN SETEMBRO, PERO XA EN 6º!

ROTEIRO POLO LÉREZ

O pasado xoves día 19 de xuño fixemos unha saída a pé desde o noso Centro ata a Ponte dos Tirantes. De aquí seguimos pola marxe dereita do Lérez ata a estación de bombeo de auga potable. Logo regrasamos ao Centro por Monte Porreiro, descansando no mirador.

SESIÓN SOBRE EDUCACIÓN VIAL

A nosas prácticas de Educación Vial foron emocionantes. Antes de comenzar todo parecía moi fácil, mais logo a cousa complicouse un pouco: O uso dos pedais de freo e acelerador, xunto ao manexo do volante e todo isto respectando os sinais de circulación... Non dabamos feito! A pesar destes apuros, todo o mundo quería repetir.

RECIBIMOS A 4º NAS NOSAS CLASES

IGUAL QUE NOS PASOU A NÓS O CURSO PASADO, O ALUMNADO DE 4º VEN VER AS CLASES DE MAIORES.
ESTE CURSO FOMOS O ALUMNADO ANFINTRIÓN.
RECIBIMOS A 4º PARA CONTARLLE COMO É O NOVO CICLO: A AXENDA DIFERENTE, OS MATERIAIS E... OS ORDENADORES PERSOAIS!

REMATAMOS A SESIÓN CUN AGASALLO.

ELABORAMOS MOITAS OBRAS DE ARTE

ESTE CURSO EN PLÁSTICAS AS NOSAS PRODUCIÓNS FORON XENIAIS.
 CADA CENTRO DE INTERESE DO COLEXIO PROPORCIONOU IDEAS PARA O TRABALLO ARTÍSTICO.
OLLADE UNHA PEQUENA MOSTRA CON CERAS, XORNAIS, CARTOLINAS,...

NOSA SAÍDA POLO BAIXO MIÑO

Como xa vos contabamos nunha entrada anterior, os tres grupos de 5º realizamos unha saída por diferentes lugares relacionados coa desembocadura do Miño.
Deixámosvos unha imaxes da visita
.

NUNS DÍAS IMOS VIVIR A XEOGRAFÍA EN DIRECTO

FALTAN POUCOS DÍAS PARA UNHA SAÍDA QUE NOS FAI MOITA ILUSIÓN.
ESTAMOS PREPARÁNDOA E XA VOS CONTAREMOS COMO NOS FOI.

REPASAMOS XEOGRAFÍA?

TRABALLAMOS SOBRE XEOGRAFÍA: FALAMOS DE RÍOS, SERRAS, CABOS, ...

REPASA SERRAS CLICANDO AQUÍ, RÍOS AQUÍ, COSTAS AQUÍ E MOITOS ELEMENTOS DO RELEVO MÁIS AQUÍ
REPASA PROVINCIAS AQUÍ E AQUÍ

NESTES ENLACES PODES XOGAR CON TODO O QUE ACABAS DE APRENDER:
PROVINCIAS
PROVINCIAS E CAPITAL
RELEVO
COSTA GALEGA

Non esquezas traballar na casa con mapas (aquí tés mapas mudos variados). Antes aprende a colocalos correctamente usando un compás. Sabes facer un?

COMO FACER UN COMPÁS SINXELO PARA ORIENTARNOS E ORIENTAR OS NOSOS MAPAS

Un compás é un instrumento de orientación
que nos permite determinar o norte magnético.
No compás unha agulla imantada móvese en función do magnetismo terrestre.

Podemos fabricar unha  con obxectos da casa

Precisamos:

- Un recipiente redondo
- Un cd que xa non usemos
- Un imán pequeno
- Pegamento

1. encher o recipiente de auga

2. pegar o imán nun borde do cd

3. colocar o cd de xeito que flote e non tropece

4. observaremos que o cd comeza a moverse lentamente buscando o norte magnético e parará cando o atope.

5. o norte estará onda o imán

6 o sur no lado inverso

VISÍTANOS MARCOS CALVEIRO

DESPOIS DE LER AO LONGO DO TRIMESTRE PASADO E PARTE DESTE O LIBRO "O CARTEIRO DE BAGDAG", NESTA SEMANA PASADA RECIBIMOS A VISITA DO SEU AUTOR.

FOI UNHA XUNTANZA ENTRAÑABLE E MOI INTERESANTE PARA COÑECER MÁIS COUSAS DO LIBRO.

XOSÉ Mª DÍAZ CASTRO VAI PROTAGONIZAR O TRABALLO DESTES DÍAS

NAS NOSAS CLASES APARECE UNHA PREGUNTA SOBRE XOSÉ MARÍA DÍAZ CASTRO...
AXUDARÉDESNOS A CONTESTALA?

DESPOIS SEICA IMOS GRAVAR A RESPOSTA EN VÍDEO!!!

FELIZ DÍA DO LIBRO!

O DÍA 23 DE ABRIL FOI ELIXIDO COMO DÍA INTERNACIONAL DO LIBRO, POIS COINCIDE ESA DATA COA DO FALECEMENTO DE TRES ILUSTRES ESCRITORES MIGUEL DE CERVANTES, WILLIAM SHAKESPEARE E  INCA GARCILASO DE LA VEGA.

XA SOMOS MAIORES

COMO XA SOMOS MAIORES, PRECISAMOS INFORMACIÓN SOBRE OS CAMBIOS QUE SE VAN PRODUCIR OU SE ESTÁN XA PRODUCINDO NOS NOSOS CORPOS.
ASÍ QUE AS TITORAS E OS TITORES DE 5º, CON AXUDA DUNHA PRESENTACIÓN, INTRODUCÍRONNOS NESTE TEMA TAN INTERESANTE PARA NÓS.
DICIMOS QUE NOS INTRODUCIRON... ASÍ QUE MAMÁ E PAPÁ VAN TER QUE SEGUIR COAS EXPLICACIÓNS NECESARIAS.
AGARDAMOS CON IMPACIENCIA!

E PREPARAMOS UNHA POESÍA PARA RECITAR

AS CLASES DE 5º ESTAMOS A PREPARAR RECITADOS DE POESÍAS PARA OUTRAS CLASES.
VAI HABER QUE ACOMPAÑAR O RECITADO CON DEBUXOS, MÚSICA OU OUTRA FÓRMULA QUE COMPLEMENTE A EXPRESIÓN ORAL.
ESTE VILAVERDIÑO MÉTENOS EN CADA LEA!
XA VOS CONTAREMOS COMO VAI TODO!

VIAXE AO CASTELO DE SOUTOMAIOR

PARA APRENDER MÁIS SOBRE A IDADE MEDIA FOMOS VISITAR O CASTELO DE SOUTOMAIOR.
ALÍ APRENDEMOS ASPECTOS SOBRE A VIDA MEDIEVAL.
OLLADE UNHAS FOTOS DESA SAÍDA EDUCATIVA.
  

SEGUIMOS APRENDENDO SOBRE A HISTORIA

DESPOIS DE TRABALLAR SOBRE A PREHISTORIA, A IDADE ANTIGA INVADIU AS AULAS.
LIBROS DE MESOPOTAMIA, EXIPTO, ROMA, GRECIA,...

QUE DE CURIOSIDADES!
PRONTO TRABALLAREMOS SOBRE A IDADE MEDIA.
PARA APRENDER SOBRE ELA PODEMOS CLICAR EN... ISTO
VER...

OU CLICAR AQUÍ

UN DÍA PARA REFLEXIONAR

O 8 DE MARZO É UNHA DATA PARA FALAR DA IGUALDADE.

NA CLASE IMOS TELA MOI EN CONTA. IMOS LER ALGUNHA BIOGRAFÍA E REFLEXIONAR SOBRE A NON DISCRIMINACIÓN.

DURANTE O MES IMOS INVESTIGAR SOBRE MULLERES QUE CONTRIBUÍRON COS SEUS ESTUDOS E TRABALLO AO DESENVOLVEMENTO DA HUMANIDADE. 

QUEREDES AXUDARNOS?

MENTRES LEREMOS UNHA HISTORIA...

A FESTA DO ENTROIDO

POR FIN, A FESTA.
CELEBRAMOS O ENTROIDO.
E... SI, FOMOS CUN DISFRACE RELACIONADO COA COMIDA, COA COCIÑA...
FOMOS DE COCIÑEIRAS E COCIÑEIROS.

ESTE CURSO CON TANTOS MENÚS, ENSALADAS E COCIÑA DE CONTOS,...
DE QUE CREDES QUE IMOS DISFRAZARNOS?

A NOSA MASCOTA XA NOS ESCRIBÍU PARA LEMBRARNOS QUE CHEGA O ENTROIDO E TAMÉN RECIBIMOS DE LORETO UNHA NOVA PÁXINA... SABEDES QUE LEVA NO SEU PETO? LEVA FILLOAS E DISFRACES DE FROITAS.

ASÍ QUE NOS IMOS POÑER A TRABALLAR!... TENTANDO FACER O NOSO DISFRACE E Á VEZ PREPARANDO AS COPLAS PARA A LECTURA DO XUÍZO E TESTAMENTO DO GALO VILAVERDIÑO.

ENSALADAS DE CONTOS

ADEMAIS DA PREHISTORIA... OS CONTOS CLÁSICOS INUNDAN AS NOSAS CLASES.
ESTAMOS A CONFECCIONAR ENSALADAS DE CONTOS!
IMOS CONTRIBUÍR Á MAXI-ENSALADA QUE ELABORA O COLEXIO. NÓS ELABORAMOS MENÚS PARA CONTOS...
XA VEREDES QUE BEN NOS QUEDA TODO!

UNHA ACTIVIDADE RELACIONADA CO "CARTAFOL DO LÉREZ"

ESTES DÍAS 5º ESTIVEMOS TRABALLANDO COA POESÍA. A ACTIVIDADE ESTÁ RELACIONADA CO CARTAFOL DO LÉREZ.
XA VOS CONTAREMOS MÁIS.
DE MOMENTO POÑEMOS FOTOS

UN NOVO PROXECTO COMEZARÁ EN BREVE

IMOS TRABALLAR SOBRE AS IDADES DA TERRA.
A PREHISTORIA E A HISTORIA VAN FACER A SÚA ENTRADA EN 5º.

O ACOSO ESCOLAR, ALGO A EVITAR

NESTAS SEMANAS VIMOS TRABALLANDO CONTRA O ACOSO ESCOLAR.
LORETO MANDOUNOS UNHAS HISTORIAS NUN POWER POINT PARA QUE APRENDAMOS QUE É ACOSO E POÑAMOS DA NOSA PARTE PARA EVITALO.
AS MANS NON DEBEN SERVIR PARA ACOSA SE NON PARA PARAR O ACOSO. COAS MANS IMOS ELABORAR UN CARTEL QUE LEVAREMOS AO PATIO PARA RECLAMAR O NOSO DEREITO A NON SER ACOSADAS E ACOSADOS.
TAMÉN ESTAMOS APRENDENDO UNHA CANCIÓN PARA CANTALA E BAILALA E CONCIENCIARNOS CONTRA O ACOSO ESCOLAR.
AS NOSAS FAMILIAS TAMÉN PODEN COLABORAR LENDO CONNOSCO UN FOLLETO QUE LLES LEVAREMOS.

SAÍDA Á CORUÑA: CASA DAS CIENCIAS

NESTA SEMANA FOMOS Á CASA DAS CIENCIAS.
FOI UNHA VISITA MOI INTERESANTE.
NA CLASE ESTAMOS A ESCRIBIR UNHA REPORTAXE DA SAÍDA.
XA VOLA POREMOS...
MENTRES TANTO AÍ QUEDAN AS FOTOS.

LORETO VISITA AS NOSAS CLASES

LORETO, UNHA MULLER CUN ABRIGO CHEO DE PETOS CHEGA Á NOSA CLASE CADA POUCOS DÍAS TRAENDO DE TODO.
OS SEUS PETOS SON INCRIBLES E TEÑEN ANIMAIS, OBXECTOS,...
COMO REMATARÁ A HISTORIA?